Citas Abril

Este Abril vén cargado de citas máis que interesantes:

MOSTRA CÓMIC DE VALENCIA 2011
Del 10 ao 14 de abril. Coa participación, entre outros, de Salvador Larroca, Pascual Ferry, Borja Crespo e Rubén Fernández. Tedes toda a info no blog http://lapicerosdecoloresdelamostra.blogspot.com
E en canto remate podedes ir de seguido á cita máis importante do ano:

29 SALON DO CÓMIC DE BARCELONA 2011
Del 14 ao 17 de abril de 2011 en La Fira, Pazo nº 8. Coa participación, entre outros, de
Eddie Campbell, Garth Ennis ou Kurt Busiek. Toda a info en http://www.ficomic.com

O CIRCO DOS HORRORES
Este mes volve a Galicia un espectáculo imprescindible, e a prezos super reducidos: O Circo dos Horrores, unha mestura de circo, teatro e monstros que fará as delicias de todos. Recomendadísimo.
Estarán en Vigo do 14 ao 24 de abril en Praia Samil, e en A Coruña do 29 de abril ao 17 de maio, en Expo-Coruña. Info e entradas en http://www.circodeloshorrores.com

HELLBOY Integral

Autor: Mike Mignola
Edita: Norma

Vale, si, recoñézoo: non me gustaba Mike Mignola. Xa o dixen. Parecíame demasiado simplista, eslamiado, e escuro pero por vago, non por crear ambiente. Vale, si, "Batman Luz de Gas" non estaba mal, pero nin os seus superheroes nin as súas adaptacións de Drácula, Aliens ou Fafhrd e o Rateiro Gris me agradaron en nada. Todo o contrario. Pero claro, entón creou Hellboy. E todo cambiou. Aí sí encaixaba todo á perfección, unha forma de narrar completa chea de pulso e potencia, cunhas historias que se nos meten moi dentro e uns personaxes tan carismáticos que aínda en mans doutros autores e con todos os cruzamentos e spin-offs que tiveron seguen tan vivos como en mans do seu creador.
E no medio de todos eses nazis, espíritos, bruxas, monstros, castelos, ruinas, AIDP e compañía, o noso demo vermello favorito (nada que ver co de Mauro Entrialgo), coa soa presenza do cal levanta ata a tumba máis decrépita.
Agora como colofón temos a Edición Integral. Xa non hai escusa para telo todo xuntiño e no mellor formato posible. A qué esperas ?
Como comentario adicional engadirei que Hellboy para min foi a mellor adaptación do noveno á sétima arte ata que chegaron Sin City e 300, e que a súa menosprezada 2ª Parte me parece a mellor película de Guillermo del Toro, se nos centramos exclusivamente no apartado
visual.

[Edu Gorende]

Al 3er Dia

Autor: Enric rebollo
Edita: Glénat

Ao cada vez máis saturado mercado da temática zombie chega outro intento de facer algo novidoso e orixinal, esta vez do politicamente incorrecto Enric rebollo, o autor de "Arsesino: de Terrorista a rei de España".

O argumento trata de que o único ser que queda aínda vivo é Jesús, que usará os métodos máis violentos e brutais para acabar coa praga zombie de Barcelona, ata se xuntar coa súa filla para intentar repoboar a zona e manter a raia (nunca mellor dito) a infección, seguido de preto polos seus catro amigos/discípulos.
Completa o tomito as 5 previsibles páxinas de "1 Día na vida dun Zombie" e uns cantos bosquexos.

O debuxo e a cor son máis que correctos, pero a historia aínda que entretén e non deixa monicreque con cabeza non chega nin para sorrirse por moito que o intente o seu autor a base de atentar contra todo tipo de tabús e estereotipos. Se a vós vos fixo máis chiste que a min, podedes dicirllo directamente en http://rebollismo.blogspot.com

[Edu Gorende]

Os Espiritos Azuis

Guión e Debuxo: Ramón Marcos
Cor: Jorge Castelli
Edita: O Patito Editorial

"Os Espíritos Azúis", cómic impreso en Cabanas e editado pola santiaguesa editorial "El Patito", supón a primeira aventura de Silvana, a Filla do Explorador, aínda que nesta viaxe a acompaña o seu tío, outro intrépido personaxe de armas tomar, e non o seu pai, que os espera en Sumatra mentres Silvana e o tío Hércules pasan todo tipo de peripecias en Exipto, cheo de misticismo, aventuras, e, por suposto, espíritos.
Ramón Marcos, que naceu en Lugo en 1962, pero reside dende hai anos en Valencia, é coñecido principalmente polo seu cómic "Opium", e as aventuras de Silvana, coa cor de Jorge Castelli, farán
gozar os exploradores de todas as idades, especialmente os interesados no paranormal, aínda que nesta ocasión non sexan momias o que aparece na escavación.

[Edu Gorende]

Bananagramas

Non me gustan os encrucillados. E non me gusta o Scrabble. Nin, en xeral, os xogos de montar palabras. Por iso achegueime con escepticismo a Bananagramas. E cual foi a miña sorpresa ao descubrir que canto máis xogo, máis me gusta. Só hai que montar palabras como nun encrucillado: De esquerda a dereita e de arriba a abaixo. Pero a GRANDE diferencia con outros xogos do estilo é que se xoga en tempo real sen esperar aos outros xogadores, podendo reordenar todo o que tes (ou parte) en calquera momento, o que che facilita moita máis liberdade de movemento, pensamento e xogo, sen paróns nin análise parálise. É doado de explicar mesmo para non xogadores, se che gusta podes botar varias partidas e se non pois tampouco perdiches tanto tempo. Unha refrescante sorpresa do máis recomendable.

- Pros:
Portátil (a simpática bolsa en forma de banana cabe en calquera sitio)
Rápido (un cuarto de hora por partida, ideal mentres esperas)
Ampliable (poden xogar de 1 a 8 e é igual de divertido)
Varias Formas de Xogar (bo, é a mesma, pero aconséllanche regras a poñer e quitar)

- Contras:
Non hai interacción (só ao obrigar a coller 1 letra)
20 euros é un pouco caro por 144 pezas e a súa bolsa.
É de palabras.

[Edu Gorende]

Tokio Magnitude 8.0

Con todo o que está a pasar en Xapón é interesante falar de "Tokyo Magnitude 8.0", un Anime de 11 episodios dirixido por Masaki Tachibana e escrito por Natsuko Takahashi, que tras decatarse de
que había un 70% de posibilidades de que sucedese un terremoto como mínimo de categoría 7.0 na escala de Richter (ao final foi de 8.8), estudou as posibles consecuencias, entrevistou xente afectada por terremotos anteriores e intentou plasmar todo iso da forma máis realista posible.
O resultado pareceuse escalofriantemente ao acontecido, aínda que na súa primeira parte se centra no caos e a segunda metade da serie se centra máis na protagonista e como perdeu todo, tendo partes demasiado lentas e non tan realistas.

[Edu Gorende]

Terremoto en Xapon

Os venres adoitámolos dedicar a comentar autores de Xapón. Dadas as circunstancias que está a atravesar dito país, aconsellámosvos que vos pasedes por http://www.lapizarradeyuri.com
onde tedes info actualizada e explicacións entendibles por calquera mortal, como todos os seus impresionantes artigos de divulgación. Tamén inclúe info de como axudar dende aquí.
Outros links de interese:
http://www.frikipandi.com/public/post/imagenes-de-antes-y-despues-del-terremoto-y-tsunami-de-japon-de-google-earth-229.asp
http://alt1040.com/2011/03/preguntas-frecuentes-sobre-radioactividade
http://alt1040.com/2011/03/japon-promueve-campana-de-ahorro-energetico-basada-en-evangelion
http://www.gizmodo.es/2011/03/17/apps-que-quieren-ayudar-a-japon-street-fighter-iv-y-chattime-dos-buenas-iniciativas.html

SIN CITY Integral

Autor: Frank Miller
Edita: Norma

Norma publica en 2 volumes a edición Integral da obra cumio de Frank Miller (sen menosprezar 300, Dark Knight ou Elektra Assassin), un cómic que merecía tela tras os distintos formatos en que a editorial a publicou no pasado.

Cun absoluto branco ou negro sen grises nin trazos que marcou época e influíu dende Jim "Deathblow" Le ata Yukito "Alita" Kishiro, vanse entrelazando as historias dunha cidade repleta de personaxes carismáticos, únicos, e moi ao límite, formando unha saga imprescindible en calquera comicoteca.

Neste primeiro volume inclúese "El Largo Adiós" (o meu cómic-book favorito, xunto a Watchmen), "Mataría por ella", a primeira aparición de Dwight, "La Gran Masacre" que fai honra ao seu nome, e "Ese Cobarde Bastardo", considerada pola crítica a mellor de toda a serie.

Considero á película codirixida por Robert Rodriguez como a mellor adaptación do noveno á sétima arte, pero mellor obviemos o que se intentou facer logo na pésima "Spirit".

[Edu Gorende]

Fagocitosis

Guión: Marcos Prior
Debuxo: Danide
Edita: Glénat

Cóllase a actual crise a todos os niveis, cos monicreques de onte, hoxe, mañá e sempre, as situacións que se non vivimos podemos intuír e tras metelo todo nunha formigoneira xigante se envorque provocando unha tormenta afiada, ácida, disparatada, irreverente e cambiante. Nin así se achega un a explicar todo o que é Fagocitose, un cómic que causa loanzas en todo o que o le, como podedes comprobar directamente dende os links dos blogs de ambos os dous autores:
http://marcosprior.blogspot.com
http://danidevisualbasic.blogspot.com

No meu caso recoñezo a habilidade de adaptación do debuxo a cada páxina (para mostra o botón das tres superiores), e a orixinalidade da proposta en todas as súas dimensións. Pero ao haber tanta referencia, disparo con saña e retorcemento de gag con mala uva, hainos máis e menos acertados, identificables, divertidos, chocantes, e/ou sobresaíntes. Sorprender, sorprende, que non é pouco. Pero a min non me remata de parecer redondo. Probablemente porque tal amálgama xamais o pretendeu. O meu consello, malia todo, é que polo menos hai que probalo para poder opinar.

[Edu Gorende]

Ciudadelas

Autor: Bruno Faidiutti
Ed: Edge

Cidadelas son un xogo áxil e doado de aprender que poden xogar de 2 a 7 xogadores (con 2 e 3, levarán 2 personaxes cada un) e co que dende nenos de 6 anos ata adultos de calquera idade poden pasar media hora larga do máis entretida construíndo a súa cidade mentres adiviñan que rol teñen os demais e como sacar partido diso.

Inicialmente quita un personaxe e empeza escollendo quen posúa a coroa, pasando o resto ao seguinte xogador, e como ao final sempre sobra polo menos outro sen escoller, nunca saberemos qué personaxes haberá en xogo nin quen os escolleu.

En cada rolda, por orde preestablecer de personaxe (1º quen escollese ao asasino, logo o ladrón... ata o Condotiero) cada xogador usará a habilidade do seu personaxe, logo tomará 2 moedas ou 2 cartas (das que só pode quedar con 1) e logo construirá ata 2 distritos. En canto un xogador constrúe 8 distritos o gañador será que teña a cidade máis valiosa.

Semana do Entroido

Dado que esta semana celebramos o entroido, decidín compartir unha historia bastante peculiar. A finais de Febreiro en Xapón celébrase un maratón que nada ten que envexar ao maratón de Nova York.

Este ano participaron máis de 36.000 corredores e como non podía ser doutro xeito, moitos deles sorprendéronnos disfrazándose. Aquí vai unha quenda:

Novidades Marzo

Planeta pon na portada das súas novidades o "Green Lantern" de Geoff Johns co reclamo da estrea estival do filme protagonizado por Ryan "Buried" Reynolds. Debuxa Carlos Pacheco, entre outros.
Del aluvión de novidades DC do mes destaco a do inicio en "Hellblazer" da etapa de Jamie Delano (pre Animal Man), escollido polo propio creador do personaxe, Alan Moore.
Glénat vístese de longo coa edición de mega-luxo do "Tercer Testamento", dos franceses Alex Alice e Xavier Dorison, mesturando historia, loitas, persecucións, segredos, templarios e inquisición.

Fuera del Grakin

Xa está dispoñible en tendas un novo lanzamento de Edicións Sombra, Fuera del Grakin, para o seu xogo de rol Pangea.

Fuera del Grakin é un completo guía que describe algúns dos ámbitos máis salvaxes deste mundo prehistórico, como a Terra dos Volcáns ou o Deserto do Escorpión.

Como complemento preséntanos ademais cincuenta criaturas novas, así como regras para crear os teus propios habitantes do salvaxe mundo de Pangea.