30 jun. 2010

Libros de Vampiros

Hoxe estréase a 3ª e máis movida adaptación da saga que máis fans conseguiu nos últimos tempos, Crepúsculo. Pero estes non son os únicos Vampiros da literatura, nin moito menos:

CLASICOS



Se hai un libro fundamental, é, sen dúbida, "Drácula" de Bram Stoker. Escrito en 1897, todo un cúmulo de factores fai que sexa o piar fundamental do xénero: a forza do personaxe, a época en que foi escrito, a forma de narración mediante cartas e diarios, os personaxes involucrados, as aventuras a través de diversos lugares de Europa, o da mestura de historia, folclore...
Moito do narrado sentaría as bases dos Vampiros tal como os coñeciamos ata hai pouco.

Non foi o primeiro, pois o propio Stoker cita "Carmilla" (1871) de Sheridan Le Fanu como referente no seu traballo, sen esquecer que Polidori escribiu "O Vampiro" (1816) nas xornada das que tamén saíu "Frankenstein" (1818) de Mary Shelley.

Unha das novelas que máis influíu en autores dende Stephen King a George A. Romero é "Soy Leyenda" (1954) de Richard Matheson, en que o último home vivo remata de día cos vampiros que agora poboan o mundo mentres cada noite intenta resistir coa súa vida e cordura intactas.

28 jun. 2010

Marica Tu




Guión: Julian Almazán
Debuxo: Alfonso Casas
Ed: Glénat

Hoxe é o día internacional do orgullo gay. E por iso presentámosvos un cómic recén editado por Glénat, que loita contra os estereotipos, e tópicos da devandita comunidade, mostrándoa de forma
realista e clara, pero cun toque de humor non exento de melancolía ante o que non podemos evitar sorrir. Principalmente porque todos (gay ou non) vivimos situacións moi parecidas.

O guionista Julian Almazán nárranos de forma autobiográfica a súa propia busca de parella no mundo dos que el prefire chamar (chamarse) "maricas", porque, nas súas propias palabras, "gay é un eufemismo para os heteros e unha elite para os homosexuais".

19 jun. 2010

Uno H2O


O verán chegou e queremos levar á praia os nosos xogos para non aburrirnos pasando horas e horas volta e volta ao sol. Para iso temos a versión 2010 do UNO H2O.
O UNO é un dos xogos familiares máis estendidos do mundo, con versións en consola, xogo de mesa a pilas, franquías de Disney e mesmo tipo Jenga (o xogo de equilibrios con pezas).

14 jun. 2010

Chamamento dixital


Chamamento dixital para que a dixitalización das obras non se faga sen o permiso dos autores

Tomado de: http://llamamientodigital.blogspot.com

Dende o 19 de marzo máis de 1.100 autores asinamos un "chamamento dixital" polo cal instamos os nosos compañeiros, a servirse do seu dereito moral para negarse á explotación das súas obras, en forma dixital, en tanto que non tivera lugar un acordo cos editores.
De xeito bastante previsible estes últimos empezaron a citar os autores, un por un, para tratar de explicarlles mellor o modelo económico que eles sosteñen, e especialmente a conseguir que cambien de opinión con respecto aos seus dereitos.

10 jun. 2010

Kick-Ass




Guión: Mark Millar
Debuxo: John Romita Jr.
Ed: Panini

Unha vez máis o cinema fai famoso un imprescindible cómic de Mark Millar, como xa lle acontecese con "WANTED", aínda que nesta ocasión a película sexa moi superior á protagonizada por Angelina Jolie.

Aínda que o ton e o desenvolvemento de ambos os dous cómics sexa moi diferente, si hai bastantes pautas que nos permiten saber que estamos a ler o mesmo autor: orixinalidade a cachón, humor salvaxe, anti heroe identificable, derroche de violencia esaxerada, e volta tras volta de rosca a unha inacabable serie de referencias da cultura actual, e non só á de cómics de superheroes.

5 jun. 2010

Starcraft xogo de taboleiro



Autores: Christian T. Petersen + Corey Konieczka
Ed: Edge Ent.

Starcraft, o xogo de Taboleiro, é unha adaptación do máis exitoso xogo de estratexia en tempo real da historia pero nun taboleiro modular sempre diferente en que a diversión está asegurada independentemente do nº de xogadores, que pode ser de 2 a 6.

2 jun. 2010

Los Caminantes


Autor: Carlos Sisi
Ed: Dolmen

Ultimamente o mercado estase inundado de libros de zombies editados por Minotauro, Timun Mas, Praza e Janés, Umbriel, e sobre todo Dolmen, os que apostaron polo éxito que abriu brecha no noso país, "Apocalipsis Z" de Manel Loureiro, e que actualmente teñen aberta "Z", unha liña permanente sobre o tema.