28 may. 2011

Canción de Fuego y Hielo

Canción de Lume e Xeo é unha das sagas de fantasía máis importantes dos últimos anos, cunha incontable lexión de seguidores ao longo do mundo. Era pois inevitable que dese o salto ao xogos de rol.



27 may. 2011

GHOST IN THE SHELL 01: PATRULLA ESPECIAL GHOST

Guion e debuxo: Shirow Masamune
Editorial: Planeta DeAgostini
Xénero: Seinen

A esperada reedición da obra máis coñecida de Masamune Shirow, coincidindo coa segunda parte da obra: Manmachine Interface.



21 may. 2011

Gurren Lagann

Guion e debuxo: Mori Tokaro

Editorial: Panini

Xénero: Shonen

É unha serie de anime, creada por Hiroyuki Imaishi no estudio de anime, Gainax (tamén creador de Neon Genesis Evangelion), xunto Aniplex e Konami. A súa emisión en Xapón comezou no 2007. Existen varias adaptacións en manga, dúas películas e unha novela lixeira.
A historia do manga segue o mesmo argumento do anime, non obstante, hai varios cambios de acontecementos ademais da adición de historias pasadas que enchen varios baleiros do anime, como a relación entre Dayakka e Kyoh.


CthulhuTech

¿Cthulhu e Mechas? ¿Pero isto pode funcionar? Os mitos de Cthulhu están ambientados na súa maioría nos anos 20, con algúns relatos doutros autores na actualidade. Pero levalos a un futuro da terra con mechas é algo novo, e que funciona bastante ben.


17 may. 2011

La Ira de los Justos



Autor: Manel Loureiro
Ed: Plaza & Janés

Apocalipse Z caeu como unha bomba entre o fandom famento de libros de mortos viventes e converteuse nun best-seller que abriría paso ao seu autor a Random House, e a Dolmen a creación
dunha exitosa liña Z exclusiva, aparte de comezar unha entrada masiva de novelas de zombies e infectados propias e estranxeiras no mercado, sen contar multiples blogs, novelas e relatos que
intentaron imitalo, destacando as aglutinadas en http://somosleyenda.com

Dias Escuros, a segunda parte, sen chegar á excelencia do anterior, é unha sucesora máis que digno, malia un final demasiado insatisfactorio, equiparable ao que logo nos daría "Necropolis", a 2ª parte dos "Camiñantes".

En Apocalipse Z: A Ira dos Xustos, hai menos formato diario e máis terceira persoa de acontecementos alleos á trama principal, pero que ao final acabará cruzándose con ela. É unha pena porque na parte media en que se retoma a crónica solitaria do protagonista o relato retoma a enerxía e a ansia imparable de devorar páxinas que nos fustrigaba nas anteriores entregas. Pero é difícil manter esa narrativa durante demasiado tempo, como se pode comprobar en "Exilio: Diario dunha invasión zombie 2" de J. L. Bourne, novidade este mes en Timun Mas.

14 may. 2011

sLAng: Historias sobre unha mesma historia

O xénero negro sempre tivo unha repercusión especial, é raro o mes en que non hai algunha estrea de cinema que non sexa de policías ou mesmo de criminais.


Corrupción en Miami, The shield, Infiltrados, Los Soprano, e moitas máis forman xa parte da nosa cultura. "Todo o que teño nesta vida é os meus cojones e a miña palabra", esta frase foi moi popular nos 80, e popularizouna Antonio Montana "Scarface", un dos gansters máis violentos do cinema, e que recentemente se converteu en videoxogo, "Scarface: O prezo do poder".

13 may. 2011

Eureka Seven

Guion e Debuxo: Bones, Kazuma Kondou, Jinsei Kataoka
Editorial: Glenat
Xénero: Shonen

A diferenza ao que estamos acostumados, Eureka Seven é un anime sobre mechas, creado polo estudio BONES e Bandai. Eureka Seven é a primeira obra orixinal do estudio, é dicir, non está escrita nin producida por outra compañía constando a mesma dunha duración de 50 capítulos. Existen ademais varias adaptacións en manga e 3 videoxogos. A serie foi emitida en España por So Good Entertainment. Gañador de 3 premios no festival de Xapón que son equivalentes aos Premios Óscar.



10 may. 2011

Libro formato dixital

Comecei a ler http://mundocadaver.livejournal.com (o blog inicial de Apocalipse Zombie) alá polo 2006, cando era usuario asiduo de livejournal (onde coñecín a miña actual parella). Tras 2 anos de espera tocoume comprar a edición de Dolmen de Apocalipse Z para decatarme de como remataba a historia.
O libro foi un bombazo e provocou todo o que aconteceu despois coa liña Z, somosleyenda.com, etc.
A segunda parte tamén a comprei en papel e puidestes ler o comentario aquí. Esta vez quería lelo canto antes e preferín collelo en formato dixital. Como sabía nome e editorial, tras un par de buscas cheguei á web oficial de Random House Mondadori http://www.megustaleer.com
A páxina non é moi intuitiva, pero logrei chegar ao libro. 17,90 € en papel e 11,99 € en formato ebook. O desconto do 33% paréceme pouco tendo en conta o aforro en custos e que as versións para iPhone da liña Z de Dolmen están a 1,59 € (incluída a primeira Apocalipse Z).

9 may. 2011

Novidades Maio


Á fin temos nas tendas "A Ira dos Justos, o capítulo final do libro que comezou a epidemia zombie en España: "Apocalipse Z", do galego Manel Loureiro. Na súa 1ª semana xa está entre os 10 libros máis vendidos. En canto o devoremos comentámosvos se está á altura do marabilloso primeiro ou polo menos do aditivo segundo.

O venres 13 de maio estréase nos nosos cines "El Sicario de Dios", acción palomitera adaptando do inicialmente recomendable pero logo irregular manhwa "Priest" de Min-woo Hyung, editado
por Norma, que aproveita para sacar unha precola feita en usa, "Purgatorio", afastada do peculiar debuxo do coreano aínda que siga a temática de mesturar western e vampiros.

8 may. 2011

Scene Sound

As partidas de rol fundaméntanse no emprego da imaxinación, aínda que nunca está de máis axudala con elementos externos. O son e a música foi unha das ferramentas máis empregadas, e moitos de nós empregamos bandas sonoras de películas para ambientar as partidas (¿cantas veces soaría a música de Conan nas nosas mesas de xogo?)

Pero cada vez hai máis ferramentas para personalizar a música ambiental, e dunha desas é o que vai a crónica de hoxe: Scene Sound.

6 may. 2011

Nodame Cantabile

Guion e Debuxo: Tomoko Ninomiya
Editorial: Norma
Xénero: Josei

Comezou a publicare en Xapón en Xullo do 2001 na revista Kiss. En 2004 recibiu un premio por mellor manga shoujo por Kodansha. Foi adaptada no seu Xapón natal como dorama (serie de imaxe real) de 11 capítulos máis dous especiais e tamén a adapto en anime emitido a través da cadea Fuji TV, contou con dúas tempadas en 2007 (23 episodios) e, posteriormente, 2008 (11 entregas), ademais dun especial en vídeo. Ambas as dúas tempadas apareceron en Noitamina, o colector que ten esta cadea para a animación destinada a un público adulto. Tamén se estreou unha nova tempada en Xaneiro de 2010 de 11 episodios.

1 may. 2011

Usagi Yojimbo: O xogo de rol

A editorial Nosolorol, seguindo o ronsel de éxitos do cómic de Stan Sakai, Usagi Yojimbo, editou en España o segundo xogo de rol baseado na súa obra.
Digo segundo, dado que xa existiu un anterior, editado por Gold Rush, e que empregaba o sistema Fuzion. Actualmente esta versión, absolutamente descatalogada, pódese atopar unicamente en Ebay e outros portais de poxa (e se tedes sorte, nalgunha tenda).


En canto ao novo xogo, é dunha compañía (Sanguine) que xa editou dous xogos que alcanzaron certa notoriedade no mercado anglosaxón, ambos os dous onde os protagonistas pertencen a razas derivadas de animais, polo que ambos os dous xogos se coñecen como "furry games". Os xogos son o Ironclaw, de temática fantástica-medieval, e o Jadeclaw, a súa contrapartida oriental.
Polo tanto, os rapaces de Sanguine xa teñen experiencia con xogos protagonizados por "animais"