24 dic 2009

Merchandising 2009

Para as nenas e non tan nenas:


A gata máis famosa cumpre os 35 anos de idade lanzando ao mercado novos artigos e complementos. A súa repercusión é mundial e, parece, que os anos non pasan para este icono mundial. Será un acerto seguro.

Para os nostálxicos:

22 dic 2009

Autores Galegos 2009

- Miguelanxo Prado - A mansión dos Pampín



Último cómic publicado polo noso máis internacional ilustrador, narrando ao estilo de Cotidianía Delirante a epopea dunha familia media que ten que encararse a herdanza dunha "Mansión" que non resulta ser en absoluto o que esperaban.

19 dic 2009

Juegos 2009

Xogos de Taboleiro ideais para regalar e gozar sen estar horas e horas relendo complicadas regras, pero con alto nivel de desfrute:

- Bang

Rápido, dinámico, sinxelo, aditivo, o xogo que todo o mundo desexa volver xogar, con quendas de segundos, identidades ocultas, interacción ininterrompida e diversión asegurada.
Cando o probes, xa non poderás parar de disparar.

15 dic 2009

As Serpes Cegas






Con "As Serpes Cegas" o guionista Felipe Hernández Cava e o debuxante Bartolomé Seguí recibiron merecidamente o Premio Nacional de Cómic 2009 do Ministerio de Cultura, dotado de 20.000 €, engadíndose ao mellor guión e obra dos IX Premios dá Crítica, do Salón do Cómic de Barcelona, do 'Diario de Avisos', e un dos 15 mellores do 2008 segundo os libreiros de Francia.

14 dic 2009

Presentación Hijos de Gea



Este xoves día 17 de Decembro, ás 19:30 horas, Natalia Corbillón González presentará a súa fantástica novela "LOS HIJOS DE GEA: En algún lugar de Orión" en Metrópoles Cómics, C/María 183 Ferrol.

A autora, nacida en Orense pero afincada actualmente en Ferrol, asinará exemplares e afondará neste inicio do que será unha épica triloxía.

12 dic 2009

Patente de Corso


Autor: Bruno Faidutti
Ed: Edge

Un precioso xogo de naves, tesouros e engano sen relación co Capitán Alatriste de Perez-reverte. Con magnificas figuritas de naves e estupendas ilustracións, intentamos adiviñar que barco poría noso rival en qué tesouro.

11 dic 2009

Antología Otomo


Autor: Katsuhiro Otomo
Ed: Norma

Unha das novidades de decembro de Norma atopa Katsuhiro Otomo Antología, edición en castelán da súa manga Kanojo non Omoide.... Trátase da primeira colección de historias curtas do autor, e foi publicado en Xapón en 1990 por Kodansha.
A edición de Norma será idéntica á xaponesa. Recolle 14 historias realizadas entre 1977 e 1981, que van da ciencia-ficción ao humor, pasando pola crítica e a reflexión, cunha delas realizada completamente a cor.

8 dic 2009

13 Inches



Crador: Nekro
Editorial: Norma
Como o mesmo autor o define, é toda unha poesía visual plasmada dunha forma absolutamente espectacular na que predominan os negros, brancos e grises, iluminados con fulgores de furioso lume vermello.

6 dic 2009

Colaboracions

Nesta sección de colaboracións esperamos contar con artigos, enquisas, concursos, etc...
Este blog acaba de comezar, asi que por agora os domingos os usaremos para descansar, pero en canto empecemos a ter visitantes, esperamos os vosos comentarios aquí.

5 dic 2009

Dead End




Xogo de Cartas

Deseño: Anxo Paredes e Manuel J. Sueiro
Ilustracións: David Llorente
Editorial: NoSoloRol

Neste xogo de cartas de temática Zombie, teremos que lograr fuxir da ameaza non-morta, explorando na busca de superviventes, novo equipo, e vehículos de escape.

Non xogamos as cartas directamente sobre o nóso grupo de superviventes, senón que vanse colocando nas localizacións ata enchelas, momento no que podemos entrar e levarnos o que atopemos,... se os zombies e os outros xogadores nolo permiten.

4 dic 2009

Nana


Autor: Ai yazawa
Ed: Planeta
Xénero: Josei (manga creado principalmente por mulleres para un público de mulleres novas e adultas)

Comezou publicarse en Xapón o 15 de Maio do 2000. Os 12 primeiros volumes da serie venderon máis de 22 millóns de copias converténdose ademais no mellor manga editado en España.

Nana Komatsu é unha rapaza frívola, enamoradiza e supersticiosa. Nana Oosaki é unha rapaza solitaria, independente e decidida. Dúas rapazas co mesmo nome e idade pero que non teñen nada en común. Debido a certas circunstancias persoais as súas respectivas vidas acaban de sufrir un forte cambio e case por casualidade, Tokyo unirá ás dúas mozas entre as que nacerá unha intensa amizade. Rematarán compartindo piso e xuntas vivirán os seus particulares historias de amores e desamores, os seus problemas, os seus sonos, inquietudes persoais e segredos.

3 dic 2009

Lobo: Unbound


Este número 14 pecha a colección completa dun dos personaxes máis emblemáticos, paródicos e ultraviolentos do Universo DC, que saltou á fama polos ácidos guións de Alan Grant e Keith Giffen e os salvaxes debuxos de Simon Bisley.

2 dic 2009

Black Summer



Guión: Warren Ellis
Dibujo: Juan José Ryp
Editorial: Glenat / Avatar

Warren Ellis, o prolífico e xenial autor británico creador de series tan imprescindibles como 'Transmetropolitan', 'Strange Kiss' ou 'Fell', une a súa xenialidade á do ultra detallista andaluz Juan José Ryp, do que puidemos gozar o abraiante Frank Miller' s Robocop.

1 dic 2009

Benvidos !

Ola a todos.

Estreamos hoxe o noso blog coa intención de que vos mergulledes nas ultimas novidades das librarías especializadas: cómics, novelas gráficas, ilustración, etc.

Na recta final deste mes de Decembro farémosvos unha lista de recomendacións para facilitarvos a tarefa de facer regalos de cara a este nadal, pero ata entón seguiremos as nosas intencións temáticas diarias: