Papel y Plastico 3

Autor: Oscar Lombana
Edita: Astiberri

Chega o terceiro e último volume do regalo perfecto para todos os que a súa infancia ou xuventude tocase nalgún momento a década dos 80. O incombustible Oscar Lombana volve traernos outro tomo, e esta vez é o máis gordo e con máis texto de todos !

Se o volume 2 se fixo un pouco frouxo en comparación co primeiro, tanto por contidos coma por variedade, dos erros se aprende e esta vez volve con máis ganas, comentarios, anécdotas e recordos, que espertasen sen dúbida os nosos, devolvéndonos a ese pasado tan máxico e único que compartimos.

Son incontables as fotos de xoguetes, bonecos, comida, series, cómics, TV, películas, obxectos de todo tipo... cada páxina está chea de re descubrimentos e sorpresas inesperadas que rescatar do subconsciente para traernos de novo momentos que criamos perdidos.

Non se de onde saca tanto material da época pre internet, nin como recorda tantas cousas, pero é un estupendo exercicio a compartir cos amigos, un concurso para ver quen tiña que e quen rememora máis cousas similares ás expostas, e, por suposto, un regalo que é éxito seguro para todos os que viviron esa época.